c/o Edizioni UNIONE Via Flaminia 185/B 47900 Rimini (RN)
Tel. 0541 630063 Fax 0541 630064 www.novalis.it
HOME
Fausto Carpani
Al pustén dla Bevrèra

Al pustén dla Bevrèra

Socuànt ân fà, quand ai êra pió zuvnén
con un cuncåurs andé a fèr al pustén,
l êra cl amstîr che sänpr a m insugnèva,
stèr fòra al’âria avêrta anc s’al piuvêva.

Sicómm ch’ai êra stè l ûltum a arivèr
l êra destén ch’avéss da tribulèr,
èser sbató in cunténnu’in zà e in là
in pòst di titolèr ch’i stèvn a cà:

un dé andèva a San Lócca opûr ai Dû Purtón
e pò al dé dåpp al’Ôca, ala Nûs o dai Pirón
a Bertalî, ala Schèla, ala Bérra e anc al Barzlén,
al Belcantån, Rigåusa e såtta l èrzen dal Lavén.

Mo a mé am piasêva d andèr ala Bevrèra,
in biziclatta con la bûrsa pénna pèra,
e pò al Mulén Brusè farmèrum pr un spuntén
con un ôv dûr, una ciupatta e un bichîr d vén;

pò vî d vulè, bdalànd cunpâgna un siån,
zå pr al Rusèri fén là in fånnd da Macagnàn,
ch’ai fóss al såul, la naiv o una tinpstè
ògni maténna mé a i purtèva l’Unitè.

Mé andèva d lóng, felîz par la canpâgna,
e pò a scât lébber a ciapèva una cavdâgna
con la pensiån ch’l’avêva da firmèr
Maria, la vaddva d un pôver furnasèr.

E dåpp un pôc arivèva int al Sustgnén,
zå par cla râta ch’la pôrta da Sandrén
e pò a m farmèva såura l èrzen dal canèl,
zâl e puzlänt, mo a mé am parêva bèl.

Pò andèva a truvèr Ióffa, ch’al fèva di divàn,
dåu ciâcher, un grapén, dû simitón al can;
turnànd a salutèva Nipoti, quall di vès,
che col sô furgunzén l andèva a cûsri int la furnès.

Cum am piasêva in premavaira ala Bevrèra
anc se al Navélli al s arvisèva a un’aldamèra,
par vî Cà Rôsa, vî Benâza e al Pelegrén,
a Roveretolo, al Rusèri e al bèl Sustgnén;

tränta chilòmeter al dé sänza fadîga,
s’as à vént ân i s fan sänza una pîga,
ai êra al zåuven pió felîz ch’ai fóss in tèra:
cum l êra bèl fèr al pustén ala Bevrèra!

Il postino della Beverara

Qualche anno fa, quando ero più giovane,
con un concorso andai a fare il postino.
Era il mestiere che sognavo da sempre:
stare all' aria aperta quando pioveva.

Siccome ero stato l'ultimo assunto
era destino che avessi da tribolare,
sbattuto in continuo dappertutto
in posto die titolari che erano a casa.

Un giorno andavo a San Luca o ai Due Portoni,
il giorno dopo all'Oca, alla Noce o dai Pironi,
a Bertalia, alla scala, alla Birra e al Bargellino,
al Belcantone o Rigosa, sotto l'argine del Lavino.

Ma a me piaceva andare alla Beverara
in bicicletta con la borsa piena
e poi fermarmi al Mulino Bruciato per uno spuntino
con un uovo sodo, un panino e un bicchiere di vino;

poi via di corsa, pedalando come un fulmine,
per via Rosario fino laggiù da Maccagnani:
col sole, con la neve o la tempesta
ogni mattina gli portavo l' Unità.

Poi proseguivo, felice, per la campagna
e a scatto libero prendevo per un viottolo
con la pensione che doveva firmare
Maria, la vedova del povero fornaciaio.

Dopo un pò arrivavo al Sostegnino
per la discesa che porta da Sandrino
poi mi fermavo sull'argine del canale,
giallo e puzzolente, ma a me pareva bello.

Poi andavo a trovare Geppo che faceva dei divani,
due chiacchiere, un grappino, due carezze al cane;
tornando salutavo Nipoti il vasaio
che con il suo furgoncino andava a cuocere in fornace.

Come mi piaceva in primavera la Beverara,
anche se il Navile somigliava a un letamaio:
per via Cà Rosa, via Benazza, vicolo Pellegrino,
Roveretolo, via Rosario e via Sostegno;

Trenta chilometri al giorno senza fatica,
a vent'anni si fan senza una piega,
ero il giovane più felice che c'era in terra:
come era bello fare il postino alla Beverara!

Torna alla pagina precedente

Torna su


© 2005 E.F.G. Edizioni Musicali